Warning: date() [function.date]: It is not safe to rely on the system's timezone settings. You are *required* to use the date.timezone setting or the date_default_timezone_set() function. In case you used any of those methods and you are still getting this warning, you most likely misspelled the timezone identifier. We selected 'America/Chicago' for 'CDT/-5.0/DST' instead in /home/hctvnetw/public_html/news/inc/box_news.php on line 9
Haitian Christian Television Network News - Articles - HCTV Network Headlines - Nouvelles Religieuses de la Semaine
Haitian Christian Television  Network News - Articles - HCTV Network Headlines - Nouvelles Religieuses de la Semaine
Login: Password:   Forgot Password? Sign Up!
Categories

Warning: date() [function.date]: It is not safe to rely on the system's timezone settings. You are *required* to use the date.timezone setting or the date_default_timezone_set() function. In case you used any of those methods and you are still getting this warning, you most likely misspelled the timezone identifier. We selected 'America/Chicago' for 'CDT/-5.0/DST' instead in /home/hctvnetw/public_html/news/members/content_article.php on line 44

Nouvelles Religieuses de la Semaine

Home » Articles » HCTV Network Headlines

Author: Haitian Christian Television Network |  Published: 01/29/2011 10:30:57 |  Rating: 

Un Resume des actualites religieuses en creole presente par Carlot Sainristil.

 

Nouvel Relijyez

Nou salye tout zanmi odite ki branche nou toupatou. Se toujou ak menm plezi a nou rantre lakay ou pou pote pou ou tout enfomasyon ki kenbe aktyalite a nan espas nouvel relijyez yo pou dimanch 30 Janvye 2011 lan.

Yon gwoup ansyen dam legliz de Dieu peyi dayiti, recevwa lod nan yon revelasyon pou organize 3 jounen jen pou leve pep ayisyen an ak peyi dayiti bay Letenel. Sevant sa yo kite rive pandan semen lan nan peyi dayiti chwazi stad Sylvio Cator pou mennen aktivite spirityel sila a.

Depi vandredi kretyen yo ap bay Bondye glwa kote yo pote koz peyi devan twon sila a ki gen tout pouvwa nan syel la ak sou te a.

Evek Fred Bourdeau ak paste Millien Joseph Simon pandan 3 jou sa yo kap bout Jodi a nomalman ankouraje ayisyen yo pou yo tounen rega yo sou senye a li menm sel ki ka definitivman pote yon solisyon a pwoblem peyi a ap traverse jounen Jodi a. Nan deklarasyon lite fe nan lapres, Paste Jean Daniel Rivette te fe konnen se Bondye menm ki egzije rankont lan anvan finisman mwa janvye a.

Plizye sevite ak sevant di se apre tranbleman te 12 janvye a, yo te resevwa lod pou organize jounen jen ak lapriye sila yo anfave peyi dayiti.

Nap raple se nan dat 8,9  janvye nan stad Sylvio Cator Evanjelis Billy Graham ak pitit li Francklin Graham te preche yon kwazad kite gen pou tem” La croisade de l’espoir”.

Nan kwazad sa a plizye milye kretyen te repon prezan e te kontan pou te bay Bondye glwa pou byenfe li anve pep ayisyen an.

Lig paste delma yo genyen nan tet li yon nouvo komite nan tet li. E  se dimanch 28 Janvye 2011 lan, nouvo komite sa a antre an fonksyon.

Nouvo komite sa a gen nan tet li:

Rev. Lusson Napoléon : Prezidan

Rev. Sadrac Chéry : vis prezidan

Rev. Yvon Délissaint : Sekrete jeneral

Rev. Zéphirin Toussaint : Sekrete jeneral

Rev. Saby Dely : Trezorye

Rev. Danjour Sylvain : konseye

Rev. Ramil Saint-clair : Konseye

Rev. Timothée Elysée : konseye

Rev. Renès décière : Konseye

Seremoni envestiti an te dewoule nan legliz Metodis lib dayiti, nan Pak kretyen, an prezans responsab minister de kilt, majistra delma yo ak prezidan federasyon pwotestant dayiti a, reveran paste Sylvain Exantus.

Nan peyi dayiti, nan plizye legliz pwotestant, anvan yo sevi la sent sen, yo fe sa yo rele lavaj des mains. An efe depi aparisyon epidemi kolera a nan peyi a nan mwa oktob 2010 la, mete men nan bouch paret tre difisil jounen Jodi a surtou nan moman sent sen. Yon pa kretyen yo pa konnen ki mezi kip ran nan moman dyakones yo ap kase pen an ki reprezante ko jezi kri a, yon lot pa, kretyen yo evite bay la men youn lot. Okenn moun pa fe lot konfyans.

Konsa depi nan preparasyon sent sen lan dispozisyon pran pou adpte mezi lijyen yo pou chase tout dout nan lespri kretyen yo.

Nan legliz Batis kot-plaj, kafou, dyak ak dyakones yo aspeje men chak patisipan nan sent kominyon an aled yon flakon jel anti bakteri ( hand sanitizer ), nan lide pou aure yo men kretyen yo vreman pwop pou pa pote mikwob nan repa senye a.

Yon lot pa depi kolera a, mod salitasyon an diferan menm nan mitan kretyen yo. Se ak koud ponyet osnon pwen femen kretyen yo salye. Anpil paste nan legliz yon an peyi dayiti pa mache nan lojik sa a kote kretyen ap kore kretyen ki sanble tet koupe a fason delenkan ak bandi yo salye youn lot le yo rankontre.

Seten kretyen Selman chwazi pou yo salye youn lot an siy reverans, ki donk tet bese san touché.

 

Selon yon rapo yon asosiyasyon entenasyonal pwotestant prezante nan komansman semen lan nan Strasbourg, Kore di no rete nan tet lis peyi ki plis pesekite kretyen yo sou late pandan lane 2010 la.

Selon endeks mondyal pesekisyon lane 2011 lan, pandan lane 2010 la, plizye santen kretyen jwenn arestasyon yo an Kore di no, plizye lezot pedi lavi yo san konte yon bon kantite yo voye nan kan kom prizonye politik selon rapo asosiyasyon an ki fe lobje yon odisyon an maj asanble palmante konsey Erop la.

Depi endeks sa a te kreye nan lane 1999, Pyong-Yang, depi lane 2007 kenbe tet la.

Peyi tankou Iran, Afganistan ak Arabi saoudit vini youn apre lot nan klasman vyolans kont kominote kretyen yo. Oganizasyon entenasyonal Pot ouvet site notaman vag arestasyon nan peyi Iran, kote kretyen yo an minorite.

Sepandan rapo a note kek amelyorasyon an moritani ki soti nan 13em plas pou aten 8em pozisyon nan klasman an ak nan peyi Lachine ki okipe 13em plas la aloske li te klase an 16em pozisyon,  Lachine kote gwoup relijye yo gen otorizasyon pou yo Mennen aktivite plis nan domen sosyal, a kondisyon yo pa konpwomet armoni ak stabilite nan sosyete a.

Bo kote pali Larusi rantre nan klasman an kote li okipe 50e pozisyon peyi ki pesekite kretyen tout denominasyon konfondu san gade deye.

Nan peyi afganistan Said Musa, yon kretyen ki femen nan prizon depi kek tan rete optimis kanta lavni kretyen yo nan peyi sa a. Nan yon deklarasyon li  fe nan fon prizon an malgre kondisyon detansyon yo, Said Musa fe konnen “ sil vou ple kontinye priye pa dekouraje. Plan Bondye pou afganistan komanse reyalize. Nou ka we sentespri ap travay Jodi a nan peyi a e mwen vle patisipe nan edifikasyon legliz afgane lan.

Ansyen mizilman konveti nan krisyanism sa gen 8 lane, papa 6 ti moun tap travay pou delegasyon komite entenasyonal kwa wouj ak kwasan wouj nan kaboul. Nan mwa me 2010 apre yon repotaj kite difuze sou chen televizyon afgane TV sou aktivite Said nan mitan lot kretyen yon an peyi a. La polis ta pral arête l femen l nan prizon, bat li, fe l pedi somey, imilye l san konte gadyen prizon an ak lot prizonye yo ki vyole l.

“ Okenn avoka pa vle defann mwen. Yon fwa m di m se kretyen, yo komanse voye krache sou mwen, pase m nan rizib. Mwen lage pou kont mwen tankou yon anyo nan mitan yon ekip lou.” Selon said Musa, nan yon let li voye nan lapres.

Malgre pesekisyon yo, la fwa said rete byen solid lel dekalre:” M aksepte pesekisyon. M menm pare pou m aksepte yon egzekisyon piblik depi okazyon an prezante pou m pwoklame la fwa m nan Bondye epi ankouraje lot kretyen yo pou rete fem “. Mwen tap site la a deklarasyon kretyen sa a, Said Musa ki femen nan prizon nan peyi afganistan depi 8 mwa.

Nan Tadjikistan, gouvenman an mete an plas yon nouvel lwa relijyez ki vize pou mete yon kontwol sou monte relijyon islam  lan nan peyi a. Lwa sa a enpoze antr’ot restriksyon vizavi moske yo e bay leta otorizasyon pou l entefere nan reyinyon Imam yo, paste mizilman yo. Lwa sa a konsene tou kretyen evanjelik yo.

Selon lwa sa a, tout kominote relijyez yo dwe anrejistre nan leta komsa dwa, sinon yap konsidere yo kom illegal. Lwa a enplike lot restriksyon yo tou sou literatu osnon edikasyon relijye ti moun yo nan peyi a. Depi lwa sa a rantre an aplikasyon, libete fonksyonman legliz yo menase tre seryezman e kondwi konsiderableman.

Tadjikistan se youn nan peyi ki pi pov nan Azi santral la. Nan peyi sa a tou to chomaj la elve a 50%. Anpil Tadjiks oblije pati kite peyi a nan lespwa pou yo jwenn lavi miyo nan lot peyi. Lavni peyi a ensetan e se nan konteks difisil sa a justeman legliz, tout denominasyon konfondu ap fonksyone e dwe fonksyone selon otorite peyi sa a.

Yon paste nan No peyi a rakonte e nap site “ sa gen kek lane, tout bagay te fasil pou nou. Jodi a, nou sibi pi gwo presyon ki genyen. Otorite yo femen yon legliz nan rejyon an kote paste a oblije sispann tout aktivite kretyen yo.” Nou tap site paste a. sepandan, malgre sitiyasyon sa a, kretyen Tadjik yo kontinye simaye levanjil la san kanpe malgre anpil menas arestasyon ak lanmo.

Pou premye fwa pandan semen lan,  Maryam ak Marzieh, 2 kretyen iranyen prezante nan tribunal devan yon jij ki voye yo retounen nan prizon pou ya l kontinye reflechi san pwononse okenn chef dakizasyon.

Apre 5 mwa arestasyon, Maryam Rostampour, 27 lane ak Marzieh Amirizadeh Esmaeilabad, 30 lane, 2 kretyen dorijin mizilman paret afebli. Prizon Evin kote yo femen an se yon veritab founez kote sistematikman ya p vyole dwa moun. Otorite yo deside kenbe 2 medam sa yo nan prizon jiskaske yo renye lafwa yon an jezu Kri e mande jij la padon pou krim yo komet nan peyi a.

Arestasyon sa yo kontre a atik 23 konstitisyon iranyen lan ki prevwa yo pa dwe atake oken moun akoz kwayans yo. Sepandan Maryam ak Marzeih koupab dapostazi, yon krim ki ka kondwi a pen de mo, selon Charya a.

Nan peyi Nepal, kominote kretyen  nan peyi sa menase pou defile devan palman an ak yon ekip kadav akoz yon entediksyon pou antere kretyen sa yo tou pre yon tanp endou nan Katmandou.

Jiskaprezan kretyen yo nan kapital la antere mo yo nan yon fore nan zon yon tanp nan Pahsupatinath, kote yo boule chak semen plizye santen Nepale abo yon rivye sakre ki rele Baghmati.

Otorite tanp lan deklare mwa pase a  inimasyon kretyen yo pa posib nan fore a paske se yon te sakre endou.

Kominote kretyen lan di yo pa gen oken kote pou yo antere kadav yo ki mouri sitou anba malady kolera kap ravaje peyi Nepal, yon peyi ki chaje ak moun, devan sitiyasyon sa a yo oblije kwelye la a boule kadav yo.

Jodi dimanch lan la a, kretyen yo pral reyini ak prensipo pati politik yo. Si yo pa reponn demand kretyen yo, manifestasyon an pral fet devan asanble konstityant lan.

Nomb kretyen kap viv nan peyi Nepal, yon peyi a majorite endou, pa kontabilize. Selon yon etud lane 2007, yo te konte anviwon 500.000 kretyen e pou pi piti 3000 legliz.

Se yon gwoup misyone kite konstwi premye legliz la nan peyi sa a nan lane 1952 e nomb kreteyn yo rapidman ogmante swit a ouvetu peyi a a mond eksterye a.

Nap note Jodi a, Nepal genyen yon demokrasi layik.

Achevek Canteebury an, Rowan Williams, pi gwo potanta nan tet legliz anglikan lan, kondane jounen vandredi a lanmo yon militant gay ougande David Kato, pandan l denonse entolerans k ap devlope alega gason makome yo.

Lanmo brital David Kato an choke n anpil, deklarasyon Rowan Williams nan yon kominike.

Kelkeswa sikonstans lanmo a ki dwe eklesi, achevek la di nou konnen David Kato, tap viv anba laperez menas vyolans ak lanmo ki tap fet kont li san rete.

Okenn moun pa dwe viv nan laperez akoz entolerans lot moun, selon achevek la ki fe konnen kominote anglikan lan denonse vyolans sa yo atrave le mond.

Chef legliz anglikan lan fini pou di moman an rive pou n konbat dispozisyon despri ki mete an danje la vi fanm ak gason ki fe pa ti minorite seksyel yo, Mgr. an kip ran pozisyon nomalman pou gason ak fanm k ap Mennen aktivite viv kont nati yo.

Alo nap di David Kato, gason makome sa a, yo touye l nan Ouganda daprezavwa peyi sa a menm jan ak ayiti pa tolere aktivite sila yo. Moun k ap fe  l yo oblije opere anba chal osnon nan fe nwa.  2 jou apre ko sazinay ki fet sou li a yo chante lanteman nan yon anbyans sichofe.

Patizan l yo kouri deye yon paste pwotestan kite pwofite lokazyon an pou te raple asistans lan tout moun ki nan menm aktivite defen an ap prepare wout yo pou lanfe. Paste a te lanse apel a jenn fi, jenn gason k ap pratike vis sa yo pou repanti anvan l two ta.

E se la yo ta pral dekouvri ki vale jenn fi ak jenn gason nan asanble a ki tap mennen menm aktivite David Kato. Se gras ak entevansyon lapolis ougandez kite oblije kouri ak paste a, si non mesye dam deranje yo te pare pou te fe l pase yon move moman.

Se yon pe savann kite oblije fin chante funeray lan voye David Kato nan denye deme l.

 

Vwala se la nou bout ak nouvel relijyez yo pou dimanch 30 janvye 2010 la. Mesi pou pasyans ou ak fidelite w. yon lot randevou ak noun an espas nouvel relijyez la se pou dimanch pwochen.

 

 

 

Redaksyon/Prezantasyon : Carlot SAINRISTIL

Bon dimanch tout moun e bon adorasyon.

Viewed: 397

Copyright © 2008 HCTV Network News - All rights reserved.